سك الحنفيه ياعم رفاعى 
وانتى كمان يامو حسين
سايبين الميه منغير داعى
نازله بتجرى ومش حاسين
خد على أدك واقفل تانى 
لو هتسيبها تبقى أنانى
بنشوف ناس كدا بتزعلنا
مش فاهمين الميه أملنا
ياللى بتغسل بها عربيتك
وفاتحها ع الفاضى فبيتك
الميه حياه ياعبد العال 
وساعات تكون أغلى من المال
وانتى ياحاجه يا مصليه
حاسبى شويه بقى ع الميه
وانتا يا واقف بالخرطوم
ترميها وترجع تانى تلوم
حرصك ع الميه سنه وفرض 
ترميها يا مؤمن ليه ع الأرض
اكتر من كدا متلاقى غباوه
بنرش الميه تجيب تراوه
ودا دق ترمبه وخد ببلاش
أخد نصيب غيرو مخلاش
إسمعنى ياخال وبص وطل
المخزون تحتنا للكل 
تشفط ليه وترمى ع الفاضى
وللا عشان مشافكش القاضى
كلمه وقالها رسولنا يا جارى 
حاسب ولو على نهر جارى