ليه ياحبيبي 
غدرت بيآ ووجعتني
وقاسيت كتير عليآ
بقلبك القاسي وظلمتني
ولا يوم شوفت معاك حنيه
ولآ يوم واحد فرحتني
ولآ يوم حفظت عهدي معاك 
ولآ راعيت عشرتي ورحمتني
ولآيوم حن قلبك عليا
ولا صونت بينا الوداد
ولآ افتكرت لحظه جميله 
عشناها سوا 
ورحمت بيها ياحبيبي الفؤاد
ضيعت أحلامي
وأيام شبابي معاك
بين الهجر وبين الألم
وبين البعاد
ليه القسوه ياحبيبي
ليه وانت حبيبي الوحيد
وليه الغدر ياساكن فؤآدي
بعد ماكان قلبي بيك سعيد
..........................................
وآاه من الدنيا 
وقسوتها علينا
والف آاه من غدر الحبيب
وليه يكون الحبيب
ظالم لينا وهو بعيد
وقلبه قاسي علينا وهو قريب
وليه الحبايب
تقسي علي حبايبها 
وتموت في قلوبها الحنيه
وتبقي الدنيا الجميله 
في عيونهم مليانه بالأسيه
وليه حبايبنا يحرمونا فرحتنا
وهما في قلوبنا ساكنين
وهما قدام عنينا بعاد عنا 
ومعانا مهوماش لينا عايشين
والحنيه ليه تبقي أسيه
والحب يضيع بينا 
ولعشرة السنين ناسيين
والأيام تعدي علينا مُره 
والسنين تموتنا الف مره 
من هجر الحبايب والخصام
والأيام الحلوه تعيش جوانا
وتبقي ذكري جميله 
تصبرنا علي العذاب والألآم
ونعيش حياتنا ندم وتعاسه
وعنينا تبكي وماتكفيها
الدموع علي أحلي الأيام