كل عصر وفيه سراقه 
يسعى وراء المائة ناقه 
كتير ومع الأيام بيكتر
مش كل عصر تلاقى عنتر
كلام بيتعاد من جديد
أيها الساده نحن العبيد
طيب أوى علشان ضعيف
هل لو قوى هيكون لطيف
دايما فيه سؤال يحير 
مين اللى يقدر فينا يغير
لما جيت ولما مشيت 
حد حس بيك فى البيت
جيت السبت مشيت لتنين
محدش شافك فى الحالتين
هات بقى كل اللى معاك
ومشى متبصش وراك
هندفعك نظير الحمايه 
إوعى عقلك يقول جبايه
كل اللى عدى واللى فات 
وقع فى دفتر تشريفات
مكنه وفيها عداد بيعد 
أهم حاجه متنساش حد
إعملى حصر باللى مات 
والعايشين لكن أموات 
تعالى نقول ونعيد م الأول
شكل الموضوع كدا هيطول
هاخد موقف منك يادنيا 
واسكن بعيد فحته تانيه