اتمنيتك ياحبيبي حلم وحلمت أنا بيك
وياما سهرت الليالي علشان أناجيك
وفي منامي ياما كنت بصوتي بناديك 
لما كان ياحبيبي بيزورني طيفك 
واتمنيت روحي ياروحي تسكن روحك
دآ هواك ملكني من قبل حتي ما أشوفك
وبخيالي رسمت اجمل ملامح لصورتك
................................................
ولما توحشني اكتب واشوفك بدر بين الحروف 
وليلي نهاري ساكن في عيني وغيرك ماتشوف
وعقلي تايه وسارح ودايماً مشغول بافكر فيك
حتي أقرب الناس ليا بيحسدوك علي انشغالي ياحبيبي بيك
ومن بين كل البشر رسمت بخيالي صوره ليك واتمنيتها
ورفضت كل الناس علشانها وبحواسي وجوارحي استنيتها 
................................................
وامنياتي تبقي حقيقه في يوم من الأيام وتجيني وتحس بيا 
ويكبر في قلبي حبك وغرامك وتكون اغلي حبيب ليآ
ونعيش سوا احلي سنين عمرنا ولا حد يشمت فيآ 
ويجيني حبي اللي حلمت بيه وراعيته ورغم عذابي ارتضيت بيه
وبعد ماطال صبري يتحقق مرادي وادوب في هواه واعيش فيه