طعم الحنان
ساكن خبايا الروح
والنبته طيبه
كانت أساس البوح
شقِّت جدار القلب
رسِّت غُربته
ومن وقتها قررت
بسر قلبي أبوح
كتير لاموني في الهوى
قالوا عذاب وجروح
ونخاف ف يوم
تلقِي الضنا أو تندمي
وتعيشي وهم ونوح
رديت عليهم
دا الغرام واللهفه شيء مسموح
وأنا دنيتي غير أي دنيا
فيها الحبيب توأم نديم الروح
يكفيني روحه ساكنه روحي عاشقه 
واختارني من بين الصبايا
شايف عيوبي يُردها
وكإني باصَّه في المرايا
وف مركبه شراعها الأمان
لا يوم غَدَر ولا استهان
وكتبت من شوقي لعيونه كلام
طارح غيطان م الحب والأحلام
ياعيون حبيبي المغرمه
ب بحور هوايا
يا مالكه عقلي وقلبي
والروح والخبايا
إن كنتي داء ولا ابتلاء
فيكي الدوا لعليل
يحميه من الأوهام
يا لايمين على قلب
دايب في الهوى
طعم الحنان
ساكن خبايا الروح

طعم الحنان