إيصالات آه لو كان كل الإيصالات ترجع لنا تانى عملات ومكرفون بينادى نسمعه إللى معاه وصل يرجعه ياخد قيمتو معاها العائد أصل الدوله لديها فائض هاتى وصولاتك يامو عبير قومى دورى تحت السرير وديتى وصولاتك فين يازكيه فين وصولات النور والميه صرر صرر واكياس اكياس دنا كنت أفرق ع الناس لو كنت بحوش م الأصل كانوا حوالى مليون وصل إشى ميه واشى نور واشى غاز ودا وصل لقسط البوتاجاز ودا تأمينات وتليفونات ودا نت الشهر اللى فات وصولات تملا شوال وشوال آه لو ترجع تانى أموال أنا كنت أقايس وأحج ولا مره ع الدوله احتج
