ثورى أنا وبأدى للعدا دورى
أحرق واكسر وأرضى فغرورى
وشى منك فى الأرض يا بلدى
لما اتمدت عليكى بالأذى يدى 
لما نيمتك منى زعلانه
لما اشتكيتك وانتى تعبانه 
الضرب فوق راسك وبقطع فرجليكى
واسب حراسك وجيشك بيحميكى
منغير ما أدى قلت انا عاوز 
ولسانى بيعدى يشتم ويتجاوز
أقل أدبى واقول انا شاعر 
وقلمى لسود يكتب كلام داعر
بينى وبينك حبل بقطعو بسيفى
واشتم واقول انا حر على كيفى
قطعت زرعتك وطفيتلك الشمعه 
عملت واد فتك .. نزلتلك دمعه
بشر وبينتشر عاوزنى اغرقها 
وسط العقول يتحشر يتمنى يحرقها
لسا بفتح عيونى ويدوب بسبلها
ضحكوا عليا وقالولى قوم وسبلها
عرفت اقول حرفين قلت اشتكى فيكى 
حولتهم سكاكين تجرح فرجليكى
بيحرضونى وحوش مواقفها متشابهه
واخواتى ف النعوش راجعين من الجبهه
أهدر فلوسك وتقولى كف ما اكف
وبدال ما ابوسك أضربك بالكف
وأرجع من تانى ودمعتى فعينى 
طول عمرى أنانى أرجوكى سامحينى