حرك مشاعر يا شاعر 
خلى القلوب تصحى 
خلى الحزين يبقى شاعر 
بالبهجه والفرحه
فرح قلوب الناس
حرك أحاسيسهم
خلى الكلام له أساس
وبلاش تيأسهم
راعى الكبار والصغار
واكتب كلام واضح
ميكونش فيه أضرار 
وللا حديث فاضح
إحكى شوية أمل
قول للحزبن أبشر
بلاش تكتب جمل 
يقراها ويكشر
إتكلم عن البشاشه 
والحياه ومفاتنها
ليه تحكى ف الوحاشه
ما الكل شايفينها
لو كنت تاجر كلام 
خلى بضاعتك خفيفه
لو متلاقيش قوم نام
لما تلاقى النضيفه
هوا الكلام راح فين 
كان لسا على لسانى 
يدوب بقول حرفين 
الباقى مشى تانى