إسمع منى على فكره 
مصر عظيمه مش نكره 
ولسا جاى بكره وبكره
إنتوا بس مش فاهمين
واللى راح جاى من تانى
ونحقق كل الأمانى
لو مفيناشى حد أنانى
ولاحد قاسمنا نصين
عندى نضاره ليكوا بيضه
شوفوا بيها دنيا جديده
حتى ولو ع الحديده
بردو حامدين شاكرين
بصوا لبعيد شويه
فى بلاد فاقده الهويه 
وحالتنا ميه ميه 
لكن البعض ناكرين
ليه باصين بتشاؤم 
والنقد بشكل دائم 
دا غيرنا ف الدم عايم
وشعوب متشردين
أحكم بس بإنصاف 
مين خصم ومين أضاف
الحقانى ما يخاف 
الحق أهه وشايفين
أنا ساكت مش بتكلم 
والناس تشتم واتألم 
إمتى كلنا نتعلم 
ونكون وطنيين
لازم نسعى للخير
ويكون لدينا ضمير 
نطلع بيها ونطير
ونشيلها فننى العين 
إسمع منى على فكره 
مصر بلدنا مش نكره 
ولسا جايلها بكره وبكره 
إنتوا بس مش فاهمين