ف مره نويت وقلت ياريت 
نملا البيت سماح وصلح
البادى أشجع ولونو يوجع 
وقلت ارجع حياتنا فرح
أروح بنفسى واطاطى رأسى 
كسرلى نفسى وجرحنى جرح
لقيتو قاسى فاكر المقاسى 
فلقلى راسى وبطحها بطح
ساعة مارحت كلمنى تحت 
يدوب فتحت مسحنى مسح
أهاود واحايل وانسى العمايل
وهوا يخايل ويقول دا سرح
يلقانى اطاطى وافرد بساطى 
ما يحط واطى ودبحنى دبح
لأ مش مناسب عاوز يحاسب 
إيه المكاسب وجمع وطرح
قلت افتريت سيبتو ومشيت
ياريت ماجيت وتعبت شرح
لقيتو عندى وسم بدنى 
حطيت بيدى ع الجرح ملح