إيه مفهومك عن المغيب
إسم جديد سمعتو قريب 
أى واحد شكلو طيب
يقال عليه راجل مغيب 
إسم كالح كلو فجاجه 
معنى مرادف للسذاجه
صحيح كلام لعب فلعب
لكن بقى الشيئ الصعب
إنك تطلقو على شعب
سألت البيه عملت إيه
خطفتوا إسمى منى ليه 
يمكن أكون عشان بسيب
يمكن بقول حاضر وطيب
أو ماشى على سمع وطاعه
وللا تقصد النطاعه 
وقفت لبلدى على اكعابى
مشجعتش فيوم إرهابى 
مخنتش وطنى وهديته
قدمتلو روحى وفديته
يمكن عشان بحب البلد 
واقف وراها بصبر وجلد
عشان بستحمل معاها المر 
حاببها تنهض وتستقر
عشان حاربت يوم علشانها 
عشان بكلامى برفع شانها
وللا اكمنى بدافع عنها
محبش حد يقرب منها
وللا عشان بحب بلدى
قلتوا عقلى بقى على أدى 
لو ياسيدى الإسم دا يرضى
خلاص ياسيدى خليها تعدى
وقبلت منك إسم المغيب