إحتكار إحتكار 
لما السعر يبقى نار
سك يابنى ع البضاعه 
والطماطم والخيار 
جانى خبر من نص ساعه
سعر تانى آخر النهار 
التجاره حبة شطاره 
وعيون تملى مفتحه
عيال تبيع تلاتين شيكاره
وهيا ماشيه مروحه
إمنع م السوق كل البرقوق 
وشيل المانجه والعنب
خلينا نلهف الفروق
واحنا نايمين على الكنب
والبصل والبرتقان 
لما السعر يزيد كمان
وتعالى جنبى اعلمك 
إزاى يزيد سعر السمك
خلى الناس تدفع الفرق
إنشاله يطقلهم عرق 
إحنا ندوس نقبض فلوس 
وهما بقى ينحرقوا حرق
ياعم الغالى على الزبون
متعمليش قلبك حنون 
البضاعه لما تغلا 
المكسب يعلا ويعلا
والعدد بقى فى اللمون
غنى ياواد فى المكرفون
وارقص وقول على الزبون 
على الزبون على الزبون 
المكسب خلانى مجنون
مجنون مجنون 
مجنون مجنون