كفك بيقول فى خط الطول
حالك يا صاحبى من حالى
ليل الشتا عليك بيطول
ونهارو بيجرى طوالى
شايل هموم معاك بالكوم 
ومش عارف لمين تشكى 
صوتك حزين كدا ومكتوم
حقيقى وللا دا شكى
نسيت الضحك والأفراح
راجع للحزن من تانى 
صابح عمال تداوى جراح 
اللى راح يا وحدانى
سهران ليلاتى بتفكر 
إزاى ترجع أيام زمان
ملكشى مزاج ومتعكر
ومتحسر على اللى كان
أدينى قريت خلاص الكف 
وشفت البخت والمكتوب
لو كفيت انا راح اكف
عن البكا معاك وهتوب