أنا المختلف مع زمنى 
مع عمرى ومع الأيام 
أنا اللى سنينى ضاعت منى 
أنا اللى بسهر ليالى مانام
كتير بضحك وانا ببكى 
كتير بحزن واخاف اشكى
كتير مش دارى وبدارى 
إن الأمانى بقت أحلام 
ساعات ببكى وبغنى 
ساعات لحنى يضيع منى
وابص كتير أشوف الطير 
فى عشو الهادى أقول ياسلام
أنا فناحيه وعمرى فناحيه 
والفرحه نايمه مش صاحيه 
أكسر سور واعدى بحور 
واقول كلام فكلام فكلام 
ماشى ومش عارف سكتى
واقول يانفسى هس اسكتى
مين عالمقدر فيوم يقدر 
سؤال وعلامة استفهام
أنا المختلف مع زمنى 
مع عمرى ومع الأيام