نسمات مديحة حسن

شعر / خواطر / قصة قصيرة / وطنيات

زفو العريس بالزهور زفوه
وبالمسك والبخور عطروه
ولعرايس الحور ابعتوه
بالبهجه والسرور وصلوه
الملايكة مستنين للجنه يزفوه
واخواته الشهدا معاهم بالدفوف
زفو العريس أوآم وبلآش وقوف
دا حلمه اتحقق ومتتأخروش
بسرعه وصلوه وماتستنوش
.......................................
نام ياعريس وارتاح
من النهارده مفيش جراح
يامآ صبرت ع الحدود
تحمي أرضك وأرض الجدود
وأملك ترجع دم ال راح
ماتخفش اخواتك وراك بالسلاح
........................................ 
وحالفين مايهدالهم أي بال 
لغاية مايطفوا الألآم
ويحققوا كل الآمال
وعيون حبايبك تنام
ودموع أمك ترتاح
وزوجتك حالفه تكبر ولادك
وتبعتهم هناك ياخدو تارك 
حتي لو خدوه لك إخواتك
.......................................
وانتو ياشوية رمم 
عاملين زي الغنم
دماغكم دماغ تعالب
ولدغتكم لدغة عقارب
بعتوا نفسكم للشيطان
وعاملين زي الديدان
في كل بلاد الوطن
وسببتوا لأهله المحن
حرمتوا الأم من الولد
وخربتوا خيرات البلد
عشان شوية فلوس
ساحبنكم وراهم تيوس
ونسيتوا الملك القدوس
عينوا لا بتغفل ولا تنام
هينتقم منكم أشد انتقام 

  • Currently 0/5 Stars.
  • 1 2 3 4 5
0 تصويتات / 30 مشاهدة
نشرت فى 23 أكتوبر 2017 بواسطة nsmat

مديحة حسن كاتب وشاعر

nsmat
شعر / خواطر / وطنيات / قصة قصيرة / اخري »

ابحث

تسجيل الدخول

عدد زيارات الموقع

260,979