يابلدي من دم ولادي
زاد النوح والنواح
كام زفه عدت كام شهيد
ونقول هيجي صباح
قومي انفضي الطيابه
وهاتيلي حق اللي راح
دم ولادي اللي راحوا
مابين مسا وصباح
فين غضبتك 
فين ثورتك
فين النهار لماح
فايتاني ليه متخبطه
مابين سُهد وجراح
منين اجيب للعُمر عُمر
ويعود إبني اللي راح
وقوليلي مين يطبطب
على جرح كل أم
لفراق قلب بوجيعه
ينهي خَضارها ب دم
يابلادي دوسي ومترحميش
على كل إيد غداره
واسم مصر يعيش
والحق يكون مناره
صفي الديابه ف جحورهم
وقومي عليهم غاره
كده فات أوان الطبطبه
لديابه أربابها حثاله
يابلدي دا من دم ولادي
فاض الكيل ع اللي راح