أنا معاك إن الفلوس 
مش كل حاجة في الزمن ده 
وإنها وسيلة للتعايش 
ومش غاية 
للتباهي ورفع رؤوسنا 
بس مش معاك 
بعد اللي شوفته 
من الزمن اللي غير نفوسنا 
وبقى اللي منك قبل الغريب 
جنازة حاره 
حب الفلوس وأحترمها 
على حساب الدم 
لا يهمه إن كنت تعيش ف مذله 
وكل أمنياته يسمع خبر شنيع 
بموتك ليورثك ويعيش في جنه 
كل يوم من دي البلاوي 
عيني تشوفها 
وأنكوي في كليتي من جوه... 
ودموع كتيرة بتزرف فوق
مكاتب المسؤلين وهلمة جره 
أبناء بس في شهادات الميلاد
مدونه بحبر ميه
وقضايا تراكمت وبقت 
قاعدتها عريضة وطول الهرم
للي عايز يشوف 
الخيبه المره 
وعشان كده أنا بنصحك وأصحصك 
بلاها كتابة ميراث وأنت عايش 
لأجل ماتشوف الهوان والمذله.. 
وبعد ما تقابل وجه كريم 
اللي عايز يشيل يشيل الله يبارك 
والحساب يجمع ف آلآخرة