ياسلام عليك ياحب في أولك 
تفرح وتشرح
وتاخدنا وطاير للسما 
في كل مطرح 
وتخلي حياتنا سعادة وهنا 
والعقل يسرح
وتمرجحنا بمرجيحة حبنا 
والقلب يفرح
والنشوة عمتنا 
وبقت زهور أحتلت قلبنا
وكمان بتطرح 
وف لحظه غيبه عننا 
يتقلب الحب بينا لمسرحية 
بتعرض ف مسرح 
بس المؤلف مهوش عبقري 
ده حد بيمزح
كان ناويها والنيه مش 
خالصة لربنا 
إن يلعب ويرمح 
ومعظم الناس على هذه الشاكلة 
ولا حرج 
وخلوا الدموع ف العيون كده بتطفح
ياسلام عليك ياحب ف أولك 
تفرح وتشرح
ونهايتك مؤلمة ... وخيبه أمل 
وجرح طويل عمال بينقح