متيجوا نجرب 
نحب بعض
يللا نتسامح بجد 
يللا ندعى لأى حد
ربنا يشفى المريض 
ويقرب الأمل البعيد 
تعالوا نبنى بلاش نهد
نعد ولادنا للجاى بعد
تعالوا نسمع للضمير
تعالوا نساعد الفقير
بلاش نطمع بلاش نجمع 
بلاش عيون الغلابه تدمع
ربنا يزيح عننا
أى هم فقلبنا 
ربى يهدى كل عاصى 
واللى قاعدين ع الكراسى
ربنا يحنن قلوبهم
ع اللى مش واخدين منابهم 
ع المحتاجه والمحتاج
يحسوا شويه ب انفراج
تعالوا ننصف المظلوم 
تعالوا نطعم المحروم
تعالوا نواجه يوم عيوبنا
نشيل الحقد من قلوبنا
تعالوا نزرع الزهور 
تعالوا نبدل الضلمه نور 
تعالوا نجرب