كده ياقلبي
اخترت سكة غربتي
ياما قلت لك
بلاش تصحي دمعتي
اعتبره واحد ع الطريق متعرفوش
واعمل حساب لكتير وشوش حاطين رتوش
ألوانها باهته والضحكة زيف وميعرفوش
غير بس ألوان الخداع .. متصدقوش
عصيتني ليه ورحت له
رغم الزمان شاهد عليه
ليه جريت عليه
طب خدت ايه
غير كل غدر وكل جرح
سامحيني وبلاش العتاب ولا الملامه 
ويكفى الحصاد جمع الندامه
لا انا عالم غيب ولا قاري كف
وكنت صادق في الخطاوي لنبع جف
لكن رتوش الصدق كانت ماليه عنده تجاعيد الخداع
كان لازم افهم لما لأغلى ناسه باع
ومش جديد عليه الغدر ويبقى غرقان في الضياع
أهو درس عدا وانكتبلي اعيش وداع
دا الشوك ساعات في أحضان الحبايب
يصيب ب جرح