رسالتك / فيها تدميرى
وليه ياحبيبتى / بتغيرى
فقدتى كل / تقديرى
وذبل الورد / وعبيرى
وتاه عقلى / وتفكيرى
رسالتك والكلام / مسموم
وفيها عتاب / كانه هموم
وانا العاشق / لكن محروم
وطيفك ف الهوى ييجى / يصحينى ف عز النوم
رسالتك والحروف واضحه / وكل حرف يقتلنى
وانا الفاعل وانا المفعول / كلام والله بيألمنى
وانا الماضى وانا الحاضر / وفى القادم بتحرمنى
واخوات كان على الخاطر / وحرف الجر يجذبنى
وانا ف النحو مش شاطر / كلامه مش مناسبنى
رسالتك فيها شهد وسم / بتقتلنى بهدوء اعصاب
تعذبنى كمان فى الحلم / بدون منطق ولا اسباب
تعب عقلى وداب الجسم / وكاس مشروبه مر شراب
انا كرهتك ومش وقتك / انا المقتول على رسالتك