طول عمرك يابلادي 
أسمك مالوش كده وصف 
وموقعك وسط الخرائط 
يخض.. المنطقة بالآسر
ونيلك نهره عظيم 
في القيمة ومستقيم 
وف جنة الخالدين 
حامل أسمك يامصر
أسمك مكتوب على الجبين 
ودم في الشرايين 
أصلك عزيزة النفس
وشبابك مخلصين 
و لك مرابطين 
ليوم الملتقى والحشر
وولادك على الحدود 
راضيين بالمكتوب 
والعمل بدون مواعيد 
علشان يحموا ترابك 
من عدو كده مندس 
بطمنك يابلادي 
ياقاهرة. كل 
الأعادي 
إن دم ولادك يرخص لك من الأصل 
طول عمرك يابلادي 
أسمك مالوش كده وصف