فاكره زمان / لما كنا صغيرين
كان فيه امان /واحنا دايما فرحانين
ولا الحنان / بيداوى جرح المجروحين
فاكره الورود / لما بأيدى قطفتها
وخجل الخدود / لما بقلبى لمستها
فاكره العهود / اللى بروحى حفظتها
دلوقت جايه تنكرى / وتقولى ده ماضى وراح
يوم اللقاء مابتحضرى / وتتركينى مع الجراح
وعلى قلبى بتفترى / وبتطلبى منى السماح
وحشتنى والله ضحكتك / وجدايل الشعر القصير
حتى النغم فى خطوتك / كان لحنى وياها يسير
كنت ادوب من غمزتك / وكأنى فى بستان عبير
اصل الجمال مش كل شىء / وكأنه فى كفه ميزان
ياما حلاوه فى الطريق / ملقاه فى اى مكان
الحب له اسلوب رقيق / مايغيره طول الزمان
وارجع وافتكر اللى كان / ضاع كل شىء وفات الاوان