هاتي كامرتك صوريني 
بس ما تنسيش تشيلي 
دموعي لو تقدري 
ودوري علي فكره 
يمكن بيها يعني 
تغيري 
كل ملامح الحزن 
واهات السنين 
وانسي كل كلامي 
ولا تتأثري
وهاتي كل الضوء عليه 
ميهمكيش ان كان بيزغلل 
عنيه 
ميهمكيش وكملي 
كل ملامح الفلم 
وضحه 
حتي البطل 
شرب كاسات المر
نقطه نقطه 
واللي حصل 
ومتغيريش العدسة 
والاتجاه 
ساعات الغريق 
بيتعلق بنظره 
لطوق نجاه
وساعات لحظه فرح
بيتولد جواها اه 
صوري كل المنظر 
من بعيد 
واياكي تعيدي المشهد
من جديد
اصلو هو يعني دم 
مش حد مخلوق 
من حديد
ونزلي كل الاسامي 
هيه هيه متغيريش 
واوعي تنسي ان الكلام
ده من اخراجك 
واوعي تنسي ان
دافع التمن هو
واحد اتظلم يعني 
من انتاجك 
ونزلي فلمك عرض اول
واحد وخد علي الغدر 
مفهمش ان الفلم 
فلم صحيح من الاول.