يادنيا الرفق / بقلوبنا
ده ثوب العشق / من ثوبنا
بتسقينا مرار الكأس /فى مشروبنا
اصل العشق له احساس /عنه والله ماتوبنا
يادنيا كفايه / ارجوكى
غدرتى قلوب / احبوكى
وبتروحى للى خان ودك / وباعوكى
وتنسى عيون بكل نفيس / بيفدوكى
يادنيا حالها / مش معدول
نهشتى كل افراحنا / كأنك غول
كأن الحزن فى طبعك / نغم مغزول
حصاد الشوك فى ارضك / ثمر علقم لكن معسول
يادنيا هدى امواجك / ورسينا لشط امان
تحاوطينا بأسوارك واسياجك / نقاسى المر والحرمان
غدرتى كتير بزوارك وافواجك / وضاع املى مع النسيان