ياقطر الموت
يامعدي على اكفاني
ياريتك حبه تتمهل
كفاية أحزان محوطاني
دا يوم مابستني الفرحة
يجيني الحزن يملاني
لايوم عاوز يفارقني
ولا ينسى حتي عنواني
يابلدي ايه اللي جرالك
ومين اللي مستني خرابك
بيسعى لجرحي ولجرحك
ونتلفح سواد توبك
عدوك مننا فينا 
تاهت وياه خطاوينا
وعينه عليكي يابلادي
ويبقي القهر عنوانك
يابلدي شدي ماتتراخي
خليني أقوم رافع راسي
دا قطر الموت مستني
يدوس حتى على اكفاني