على فين /يادنيا وخدانى
وانا عايش / فيكى وحدانى
العين والدمع ماليها / والقلب منك بيعانى
حبيبى ناسينى /حتى الفرحه كمان نسيانى
فى كل سنينى / حزن شديد بيهز كيانى
وطاااااااال الصبر / كأن الدمع خلق علشانى
وطول العمر / جبل م القهر ساكن وجدانى
كفايا يادنيا / تعبت كتير من طول حرمانى
نفسى افرح حتى لو ثانيه / وخدى عمرى مش بالمجانى
كل حبيب فرحان بحبيبه / وانا ادمنت خلاص احزانى
كل مريض محتاج لطبيبه / وانا غريب ضاعت اوطانى
هاتى يادنيا كمان احزان / نار احزانك والله كوانى
ضاع الحب مع الخلان / قولى يادنيا لفين وخدانى