لو كنتي ناوية تسبيني
اتفضلى امشي من غير قرار
هو انتي فكره حبي لعبة
ف كل وقت وخده هزار
ده انا اصلا حبك ف قلبي
صعب يكتب فيه نزار
قصيدة تقدر انها توصفه 
او لحن حتي على المزمار
انا حبي من قلب صافي
قلب نقي مش قلب غدار
ده بتمني الليل يجري بسرعه
ويطلع ف الدنيا النهار 
اسمع صوتك وضحتكك
ف ثانية تشيل من قلبي النار
لو عايزة تمشي وتسبيني
ياريت تقولى من غير أعذار 
مفيش جنة عاشق واضحه
غير مايكون ف شرخ فالجدار
وانا شرخي داخل قلبي
مخلى حياتي كلها مرار