في عز خوف الحرف
أرسم كمان حلمك
أرسم أمل بكره
علي في بنيانك
هات الأمل بايديك
كمل علشان توصل 
كل الساعات فاكره
خبي الدموع في
عينيك
كل النجاح فكره
كام ماتو من الاحباط
كان فاضلهم خطوه
عاشوا بيتمنو
ع الماضي والذكره
بعض الحنين قاسي
بعض الجراح نكره
والخوف من الايام
من ضعف إيمانك
ولو الزمان خانك
عيشها علي الفطره
وافتح للجراح صدرك
متخفس سجانك
والسجن في حلمي
مش علي رسم السور
انا اللي اتعودت علي 
موت الفجر والليل
وطعنات الغدر
واللي قتلني
ما ظهرلو دليل
انا الناصح
وانا الواعظ
وانا في السنين 
الضلمه دليل
انا الراكض خلف حلم
وانا اللي زارع سنينك ورد
وانا شاعر ومش فاهم حروفك
صبحت سنيني خوف
زي خوفك
انا شايف علي كد شوفك
فمتزعليس مني
علي كد مد أيدي
هعافر 
ميهمكيش همي
حتي ولو كافر
يشبه لسجاني 
ولو كنت مسجونك
قلمي شبيه الطير
ع الحزن بيخطي
وبيسافر
آسف سعاده البيه
مقدرشي يوم اركع
قلمي بدون ترخيص
والفكر مين يحميه
قلمي وكان طايش
ربطوا ايديه
عصبوا عنيه
قالو عليه ميت
لاكن للأسف عايش
آسف سعاده البيه
الفكر مش مسجون
عمرو ما خاف فرعون
والسجن في حلمي
مش علي رسم السور
السجن هو الجهل
مسجون
اللي فاكر حراسه
يوم تحميه
آسف سعاده البيه