ماليش اصحاب / ماليش احباب
وانا وقلبى / نعيش اغراب
خلاص مليت / وضعت قفل على بابى
سهرت ابكى / ودمعى حرق لى اهدابى
لمين اشكى / ومين يواسينى فى عذابى
فقدت الاهل والخلان / وحتى الفرح ناسينى
وياما قاسيت من الحرمان / وقلت الحب يداوينى
رجع قلبى وحيد ظمأن / ونار الوحده تكوينى
انا العاشق وانا السهران / ياريت قمرى يواسينى
وتاه قمرى فى وسط سحاب / مشيت والقلب بيعانى
وعارف ان الهوى غلاب / لكن احبابى نسيانى
صبح حالى عذاب فى عذاب / عذاب بيهد فى كيانى
عذاب من فقدى للاحباب / عذاب ينهش فى وجدانى
وسهم الغدر اه لو صاب / يصحى كل احزانى
وبين الهجر وعذابى / فقدت انا كل احبابى