وخلي لحياتك معنى 
واعزف من قلبك وغني
وخلي صوتك يعلي
ويوصل للسحاب
وقول دعائك مستجاب
طالما قاصد وجه
ربنا الكريم الاعلي
للقلوب اوتار
والحنجرة ناي بيغني
واللسان طول مابيشكر
والقلب طول مابيسجد
وربك مطلع شاهد
على قلبك وعلى عملك
متخفش م العباد
طالما انت مع المولي
توكل وسلم نصيتك لسيدك
واوعي تظن أنه مش شايفك 
أدى حق ربنا 
حقك ياربنا اولي
واوعي تتغر بطاعه 
ولا كام صلاه جماعه 
ولابصدقه ظاهره ولا مخفيه 
صفي قلبك وقبلها النيه
وقول يارب أعمالي تقبلها
وتواضع للي رفعك
قادر ينزلك على بوزك
فرعون ايه فرعنه
لما أتاه ربنا من فضله 
غير أنه تعالى واستكبر
هي الحكايه كده كده 
زي اللي قبلنا قالوا 
دنيا ومقسمها الرزاق 
واللي بيحبه ربنا
يزيده من كرمه
ويرزقه رزقه متشكله 
حلم على رضا
ويجمله بحسن الاخلاق 
ويزينه بالادب
الناس تشوفه تقول
سبحان الرزاق
وكمان شويه ستر من عندك
تبقى رضا 
وحبه مال لزوم صلاح الحال
وبنت حلال آخر جمال
اطلب واتمنى بس اذكره 
تملي في قلبك
وسبح بحمده في كل حال 
وخليك طماع في كرمه 
واسأله رؤيه جماله
في جنته 
وتعيانه بعينك وقلبك
ويكرمك ويجيب السؤال 
ويخاطب لسانك مقامه
من غير حجاب ومقال
بس عشان توصله 
صفي قلبك وقبلها نيتك 
يارب تقبل
وأصلح لينا الاحوال
ببركة حبيبنا محمد 
شفيعنا يوم الاهوال