اتخلقت الرجالة
من أجل الشهادة
وعلشان الدفاع ع الوطن
يا شوية أرانب مش كفاية
عربية مفخخة ولا حتى دانه
دا انا الصخرة اللى مهزهاش زمن
لو راجل يا خاين
أعلن وجودك
قولى انت مين
اصلك لو ليك أصول
ومين جدودك
يا سلعة رخيصة الثمن
انا دمى غالى
اللى مطهره ربنا
خالى من كل غش
اهديه بلادى وشعبى
وكل ما فيها حسن
انا الصاعقى والمظلى انا الجندى
اللى ميهمنيش رصاص
صايب أو حتى طايش
انا الشهيد لكن عايش
روحى بتمسك سلاح بتحارب
انا من مية التضحية شارب
كل اللى خسرانه بدن
يا مصر زغردتى افرحى
انا اليوم شهيدك
هيفضل دمى يجرى ف وريدك
زفينى يا مصر 
انا العريس 
لابس كفن