بلاش عناد
وكفاية بعاد
لزومه إيه التحدى
تعالى نتكلم
وناخد..وندى..
هدى العند..هدى
وخاطبى ودك..لودى
واللى يقدر يعفى..
يسامح وللتانى يدى
وكده المركب تعوم..
وكفاينا عتاب ولوم
طب تعالى اقولك
ماانتى عارفة
من غير مااقولك
من كام يوم
صحيت م النوم
وحضنت صورتك
ودا حالى وحالك
وكفيانا اللى جرالى
واللى جرالك
ياللا ياحبيبتى
إخزى الشيطان
وياللا نرجع
ﻷيام وليالى زمان
بعد ما بقالنا كيان
وبقالنا إسم وبيت
وصفة وعنوان
وقلبى لما يدق
يجرى عليكى بالاحضان
كفايانا شغل جنان
وفكر كمان خيبان
ولو أصريتى على عنادك
وعلى صدك وهجرك وبعادك
أكيد كل واحد فينا خسران
والوحيد اللى كسبان
هوه الشيطان
طاوعينى 
إخزى الشيطان