بتخافى ليه / من بسمتى
ماتعرفيش انك / هنايا وفرحتى
وانتى الرفيقه /والانيسه لوحدتى
بتخافى ليه 
بتخافى ليه / خايفه الزمن يغدر بنا
ولا البعاد / يقتل غرامنا وحبنا
ولا الجراح / تبعدنا يوم عن بعضنا
بتخافى ليه
بتخافى ليه / ده انت الحبيب وانت الامل
وف ليل مسائى / البدر بيكى بيكتمل
ايوه باحبك / مهما جرى ومهما حصل 
وتخافى ليه
بتخافى ليه / ده الامل وانت المنى
ياأغلى نعمه / من الاله / من ربنا
ادعى معايا / نقول يارب نور دربنا
قلبك معى / متخافيش ابدا عليه
مابين شرودى وادمعى / احكى وقولى خايفه ليه
لو تبعدى مسير ف يوم هاترجعى / فؤادى ملكك نامى فيه