قالوا ف عيونك مطر / انا قلت يروينى
قالوا ان حبك خطر / مع انه وسام على جبينى
والقلب لو ينفطر / بعدك على عينى
قالوا عليك حكايات / وكلام مايعجبنى
سالت كتير دمعات / نارها تدوبنى
مابين كلام وسكات / وصمتك يعذبنى
قالوا ان شعرك حرير / يشبه سواد الليل
واختلفوا فى المعايير / وأنا قلبى لك بيميل
قالوا ان حبك خطير / بكلام مالوش دليل
مهما قالوا ولا عادوا / انت روحى وانت عمرى
حتى لو فى ظلمك تمادوا / انت شمسى وانت قمرى
قلبى راح يعلن حدادوا / ده انت روحى وانت قدرى
مستحيل انك تهاجر / مستحيل تتركنى وحدى
ناسى حبى ولا فاكر / ياللى ساكن عمق وجدى
عود لى حالا ولا باكر / هى ازمه وراح تعدى
ده انت من قلبى قريب / وحشنى والله كتير ياطيب