ناده بعلو الصوت واحشاني
انا العاشق هو انتي ناسياني
يمكن سنين عدت
مش قادر احسبها
والنفس اماره
مش قادر اغلبها
رحال وخردي علي ضهري
والضحكه في وشي
وبداري أحزاني
سنين وراها سنين
واقول يمكن في يوم هرجع
وانا أمري مش ب ايدي
والحكم لزماني
كام ليله افتكرك
ودمعي علي خدي
ولا من شاف
يا هل تري هرجع
علي رجلي
ولا منشال علي الاكتاف
ياديار حبايبنا
مفتوحه ابوابها
محلاها قاعدتكم
مين اللي عيد عليها
ويطمن اصحابها
ويقولهم وحشانه لمتكم
ياتراب بريحه العمر
وريحه عطر وخداني
متربي علي خيرك
عاشقك وعشقاني
ياعقال وفيكي الشعر
بيهون أحزاني
لا حد عاش وجعي
وهمومي مش بتبان
حنيت ومش قادر
مهو برضو انا إنسان
وانده بعلو الصوت
بلدي
بس أنتي سامعاني
عبق الغيطان
وتراب شوارعها وحواريها
وانا زرعي زرع شيطان
يطرح ومش ليها
كان نفسي اكون ليها
ومن ايديا شموع
تنور لياليها
خدني الغياب منها
وعشت عمري غريب 
عمري قضيتو ضيف
ولو حكيت عنها
الاصل والطيبه
والجدعنه ناسها
وكرم الضيف
وفي العيد 
يزيد الهم علي همي
بلدي وفيها أبويه واخواتي
ومدفونه فيها أمي
بلدي ووحشاني
والاصل لخوالي
والطبع من عمي
ولو يوم اقول الاه
هي اللي بتسمي
نفسي اصلي العيد
في احضانك
يمكن يدوب همي
في احزانك
وابات في ليله سعيد
والفاتحه دي لمي
وعلي قبرك 
اقولك سر ياامي
نجاحي
كان كل احلامك
فمتزعليش
من غيابي
واني اناني
والله يا أمي
بعاني
كفايه أني عشت العمر
واحداني
سكه ووخداني 
كل الهموم فيا
ومش داري
والشيب ملا راسي
سكين وسرقاني 
وحكايه خلصانه
بس الحنين للماضي
هو اللي صحاني