هل هلالك شهر مبارك وفرحنا كتير باستقبالك
لما تهل يزيد الخير وتحل علينا ببركاتك
يرجع تانى كرم وشهامة وموائد رحمان باقدامك
نلقى تعاون نلقى محبة وفقير متغطى بإحسانك
ترجع تانى الطيبة جوانا وقلوبنا تنور بإيمانك
آدى الزينة ملت شوارعنا وفانوس بيونس أحبابك
لميت شمل الأسرة قعدنا منتظرين مدفع إفطارك
لميت شمل الشارع كله فى صلاة التراويح وقيامك
لميت شمل العيلة عزمنا أب وجد كمان واحفادك
ومسحراتى كمان ينده ويصحى نايمين لسحورك
لما تهل يزيد الخير وتحل علينا ببركاتك
ادى كنافة وادى قطايف ولبن بنحليه بخشافك