وحشونى عيونك / فى غيابى
ماهو اصل / عيونك احبابى
وحشتنى البسمه / على ثغرك
والضوء يستحى / من نور بدرك
ووحشنى كمان / همس كلامك
اشتاقت كتير / اوى لسلامك
دقات قلبى / فدا لعيونك
ووحشنى حنان / حضن جفونك
اعشق غزلك وادوب / فى شقاوتك وجنونك
حتى خصامك / له طعم جميل
وبتضحك وتدارى الامك / وعيونك فيها الف دليل
حتى الصمت ف وسط كلامك / ك سفينه تايهه ف عمق النيل
ولا الرعشه اللى ف اوصالك / زى الصرخه ف عز الليل
رمشه عينك سر جمالك / دى عيونك والله مالها مثيل
نظره بيرقص معها دلالك / دقات قلبى لها بتميل