أنا فى ركن الحلبه 
خلوا الحكم يعد
مفاضلشى إلا حبه
وتطلع روحى بجد
الضرب يمين وشمال 
بالراحه عليا يا خال
اللى بيضرب عضلات
والشاطر مننا مات
قلبى م الضرب توقف 
سامع جمهور بيسقف
بتراهن ليه على صبرى 
مستنى يجيلك خبرى 
متخف شويه يا كابتن 
وللا اتاخر وانا هركن
عارف إنك معزور 
شيل إيدك من ع الزور
ربى يزيدك ويخلى 
طب خللى الهوا يدخلى
عينى ورمت مش شايف
أنا فين ومنين مش عارف
الساعه مش مظبوطه 
هوى عليا بالفوطه
يا عم عبد السلام 
إحنا فى الجوله الكام 
زعق حبه مش سامع 
نادى عليا فى الجامع
قول كان راجل طيب 
محضرش اليوم واتغيب