كنت عايشه جوه حب كبير أناني
خدني أسرنى بحضن دافى إحتوانى
لأنى كنت عايشة بس ناسيه روحى 
عايشة جواه جوه وهمه وجروحى
كان سجنى جوه نفسي ةفيها رمانى
كسرت قيدى ورافضه أخضعله تانى
كنت فاهمه كل شئ مات خلاص ةإنتهى 
شايفه روحى صبحت بذكريات المنتهى
حررت نفسي من قيودى اللى موتتنى
خرجت بره سجنه اللى سلب إرادتى
قررت أفوق وأعيش من تانى حياتى
أرجع أعيش نفسي بس وكل ذاتى
لازم أعيش وأمسح بإيدى دموع عيونى
أمحى صحايف سطرت حزنى وشجونى 
رافضه كل من هدرلى وحييى وفنونى
تاركه كل من دخللي يقصد جنونى
شفت بخيالى ضوء أتانى من جديد
صحى زمانى ورجع أمانى لأستعيد
أقسم لأعود بدون وعود إلا لنفسى
أمسك حروفى وأمحى خوفى وأكتب شعورى
ولذكرياتى ولحياتى حسبح بموج بحورى
راح أسير يمكن أطير لسماء خيالى
لدنيا بعيدة أيوه جديدة أصنع آمالى
حااكتب وأسطر أبيات مش أكتر لدنيا وجودى
حاشرح وأعبر بحبر عنبر وحروف شهودى
شايفة بعيد نسيم جديد آتى لدنيتى
جواه حااعيش وأفتح عيونى تانى لجنتى