آه لو قلبك حن عليه
وعيونك بصولى شويه 
راح تعرف مقدارك عندى
ومكانك فى ننى عنيه
بستناك فى الروحه والجايه 
وقلبى سهران ويايه 
ويقوللى مسيرو يوم يعرف
إن حبو ساكن جوايه 
فى معادك فاتحه الشباك 
وعيونى ع الناصيه هناك
واما تهل أجرى واطل
وانسى العالم ولا أنساك 
إمتى تخطى عتبة بيتنا
وأهالينا يعرفوا حكايتنا 
والزغاريد تضرب وتلالى 
ونعلن ع الناس خطوبتنا
والبسلك يوميها الطرحه 
واعمل مكسوفه من الفرحه
واصحى القانى فحلم جميل 
يوماتى بشوفو وانا سارحه