إصحى فوق وانتباه 
السعاده مش أموال وجاه 
واسأل مجرب راح يقولك 
إنتا عكس الإتجاه
غنى والهم يوماتى راكبو 
ولا حد فى الدنيادى عاجبو
فقير ولا حاجه فارقه معاه
يضحك وغيرو شايل هموم 
ومشاكل نازله عليه بالكوم
والغم ماسكو من قفاه
ناس كتير عليها تخش
تلقاها متغديا مش
والضحك على آخر مداه
وناس بتاكل تمام التمام 
بط وز فراخ حمام
والغم رامى عليهم بلاه
لو حد قالك الفلوس 
هيا اللى تسعد النفوس 
إوعى تمشى يوم وراه
ياما غيرك ضيع حياتو
يجمع ولاحققش زاتو
وهتلقاه فى الدنيا تاه 
إضحك وكل أى حاجه 
إوعاك تفكر دى سزاجه 
وللا الكلام العبيط اياه
إنتباه