وقفه عندك رجعنى
حاسه بحد بيخدعنى 
شيئ جوايا بيوجعنى
مش ماشيه معاك حرمت 
يوم معرفتك أجرمت
رجعنى اياك تلاوعنى
رجعنى لأهل زمان 
خلينى اشعر بأمان 
ودنيا مكانتش تساعنى
عندى فى النفس شكوك
طريقك مليان شوك
حاسه إنك هتبيعنى 
رجعنى لدارى وناسى 
سنين وياك وبقاسى 
نازله محدش طلعنى
رجعنى مش عاوزاك 
مش ماشيه خطوه معاك 
إفتح ودنك واسمعنى
رجعنى عايشه وحيه 
مش ممكن هبقى ضحيه
سيبنى إياك تمنعنى
رجعنى تانى لنفسى 
خلينى أشم نفسى 
خللى الهم يودعنى 
رجعنى