فى الوزاره ياألف خساره ناس بتسرق فى بلد بتغرق وناس بتبنى فى العماره تبدأ سرقتنا عند الجرن ونلاقى خيبتنا قدام الفرن لقمة عيشنا تحت إيديهم كل تحويشنا بياخدوه ليهم إللى قاعدين على الدفاتر ملهمش دين يارب ياساتر مدام صباح وحسين افندى معاك مفتاح تعالى عندى مفاتيح محابس فى إيد صنم ديب وحارس على الغنم الكارت الذكى غبى وعطلان روح اشتكى وبات جعان واحنا نصرف بيه بدالك وانته اتصرف بقى ف حالك والنبى دلينا يا ست أمينه مين اللى فينا وإيدو أمينه نلاقى مين وميسرقناش محناش لاقيين يظهر مفيناش فى الوزاره يا ألف خساره
