ياللى راكبين الفاخر 
متقولولنا يا حبايبنا
إللى يصيبكوا هيصيبنا
مشينا كتير فين الآخر 
قاعدين تقولوا بنقرب
ومن كلامكوا نستغرب
كل منقرب بنتاخر
نقعد شويه نرتاح
وللا نضرب جرس مرواح
وللا نشوف طريق آخر
الحمل تقيل على اكتافنا 
كباية الشاى تكيفنا
وسجاره وهاتوا م الآخر
أطرش وماشى فى الزفه
إسألوا اللى ماسك الدفه
كدا رايحين على الوصفه
وللا هيقول منيش فاكر
ماشيين ع الخط والعنوان
إللى وصفتوهولنا زمان
 وقدامنا الدليل راخر 
لا رحنا يمين ولا شمال 
شايلين عنكم الأحمال
البخت جه علينا ومال
وضحك على شكلنا وساخر
نفسنا حد يقولنا 
نجرى وللا على مهلنا 
طب شيلوا شويه عننا 
ياللى راكبين الفاخر
فين الآخر