قوم يا عويس
سيبك م الفيس
بص وشوف 
جالنا ضيوف 
ناس بتخبط 
رتب ظبط
قوم شوف مين 
ناس جايين
ياترى مين همه 
راجل بعمه 
وشاب صغير 
لابس ومغير
وست بطرحه 
فى عيونها فرحه 
إفتح يا عويس
دا باينو عريس 
إتقلى ياوليه 
خليكى زكيه 
كلمو فى المهر 
والمهله شهر 
قولو هشاور 
والشبكه أساور
قلبى بيطب 
فرحنا يارب
كلمو ع الشقه 
من غيرها لأه
 حمام سيراميك 
نجفه وأباليك
وكمان سجاجيد 
جديد ف جديد
وصالون بستاير 
مالك كدا حاير
وفرح ف النادى 
ومؤخر عادى 
إفتحلو يله 
خليها علله 
أيوه يا فندم
إدخل واتقدم 
آسف أزعجتك
إقفل سياتك 
أصلنا تايهين
كنا جايين 
لناس تانيين