المحله بلدى
أيوه البلد دى بلدى 
وانا واحد من أهاليها
عاشقينها أنا وولدى 
وجدودى مدفونين فيها 
عنوانى ومحل ميلادى
ودايما عليا بتنادى
صبح الشتا الجميل 
وهوا الصيف العليل
فسحة يوم الجمعه 
وشجره على الترعه 
يلا نسابق الريح 
نجرى على المراجيح 
قصص وزكريات 
وحكايات البنات 
لو يوم أمشى وأسيبها
بيشدنى ترابها 
مكتوب فى دفاترها 
وعايش على خيرها 
أفرح يوم متفرح 
وابكى عشان خاطرها
تمللى مستحملانى 
وبتزعل كمان عشانى 
لما اشتكى تهدينى 
وتمسح دموع عينى
تسهر ولا تنامشى 
وتقوللى متخافشى 
شارعنا فى الحودايه 
وبيتنا فى الحاره الجايه
أبدا منيش ناسى 
بلدى وأهلى وناسى