البنت دلوعه وضحكتها تتوه مديريه
بتحـب تتعـاكس وبتعشـق  الملاغـيه
وبتعـبد الدهـب عندها مـزاج وغـيه
البيه وقـع فـ غـرامهـا
 والباشا قدم لها كام هديه
وبنظـره وإبتســامه ملك الاستـيراد
كتـب لهـا  عــربيه
لما الفلـوس جـرت ف ايـديهــا
سابت حببها وباعت ابوها
وهـربت مـن بيـته  الفجــريه
اتلمت على هياتم وفوقـيه
 هياتم بترقص فشارع الهرم، وفوقيه
ملكـة البرشـام والبـدره يامحـــترم
عايشـين حيـاتهـم فـى  التكـيه
فلـوس كتـير ملهـاش صحاب
بتغرف وتعبى من غيرحساب
ونسـت شكــل الفـــول  والطعــميه
امبـارح كانـت نايـمه ف حضـن غفير
والنهــارده نايـمه ف حضـن  اميـر
والبنديره بتغلى كل م بتعلى الحراميه
ابـو ام الفقـر  يافـوعليه
كبـرت وطلـع لهـا انيـاب وضـروس
ومشت علـى خلـق الله تفـرم وتدوس
وبإشاره منها تشيل عمدا من  العمديه
م هـى اتلمـت علـى اكـبر روس
ان كانـوا كفـره ولا حتـي ماجــوس
مش فـرقـه معــاهـا  العملـيه
المهـم اللـى يدفـع اكـثر 
ف حضنها يتـوه ويسكـر
لمـا تسمـعه كـام اهـا  بحنـيه
م هـو مـن جـه حــرام راح حــرام
المهـم تمثــل دور الغـــرام
وهـى بنت مفتحــه ومدردحه  وذكيه
البنت اتمسكنت لما اتمكنت
وبقـالها نفـوذ  ومحسوبيه
وكام بوديجـارد بيشـور حاسب اقف
انت مش شايف الملكه نوسه  معــديه
النارحرقـت قلـب فوقيه، لما شافتها
كلت الجـو مـن الهــرم  للشــرابيه
حلفت ف ظرف عشر ايام
تخليــها جنـب الحيــط  مرمـيه
كام برشامه جـوه الكاس،راحت نوسه
وبقـت زى الفـرخـه  المشـويه
لفتها فى عبايتها القديمه
ودفنتـها وهـى صاحيـه  المفـتريه
عالـم تانى جبـان انانـى
 خسـاره انطق اسمه بلساانى
شوف كام نوسه مفهمتش معنى الحريه
وباعـت نفسـها للشارع وللبلطجـيه