بتبكى ليه على الماضى
ده دمعك راح على الفاضى
زمان حكمك كان الجلاد وكان قاضى
وكنتى تكسرى قلبى وانا راضى
وكنتى تشمتى فيا اعدائى وحساادى
بتبكى ليه
ويوم سعدك تشوقى الدمع فى عيونى
صبرت كتير على هجرك مابين الشك وظنونى
الاقى حنينى والاشواق على شطك بيرمونى
ونظراتك وهمس الصوت على حبك بياخدونى
وبين سهرى وبين حيرتى عيونك والله وحشونى
بتبكى ليه
باحبك اه لكن ياخساره قلبك والله مش ليا
صدقت معاكى فى حبى بكل الصدق والنيه
حاولت كتير اكون جنبك واحطك جوه ف عينيه
لاانا قاسى ولا غاصبك واملى تعيشى مرضيه
انا مش هامشى على دربك فعيشى وحيده منسيه
وتبكى ليه