يابختـك ياجـــدى
من يومك شقـى وعـايش  حيـاتك
اللـى بتحبـك واللـى 
دايبه فيـك واللـى بتعشـق  مغامراتك
واللى بتتصور معاك
ونفسـها بحضـن تخـرجك من  سكاتك
عايش ميت مبترحمش
ولا انتـا لسه معـوضتش اللـى  فاتك
فيـك ايه بيشـدهم وبيخطـف قلبـهم
 اعترف ياروميو لاحسن اقـول لمراتك
وأحكيلـها عـن غرامياتك ومعاكساتك
واشعللـها  بينك وبيـن السـت حمـاتك
إرحـم شـويا ياجـدى
 دا انتا وخدها قش من أسـوان للعريش
طيب شغلنى معاك حتى ولـو بالبقشيش
وخلـى العــدل سمـه مـن  سمـاتك
مش انت جـــدى 
 ولا دلـوقتى متـبرى منى متعـرفنيـش
داللى ياكل لوحده يزور ياجدى وانتا
لا بترحـم  ولا سايب جنـاح ولا ريش
والإشاعات كترت اوى 
عـن عـلاقـاتك وكتر  نـزواتك
اللى نشره فيديو لها معـاك عاليوتوب
 واللى بتقول كان بنا قصة غـرام وحب
واللى بتقول اتجوزتك وطلبت الطـلاق
 من الغيره وكتر صحباتك
حـرام عليـك ياجـدى الناس كلت وشنا
 وانت برده تاريخ واثر وسمعتك تهمنا
متزعلش منى ياجدى
انا بس بنورك وبرفع من  معنوياتك
ربنا يحفظك ياجدى 
ويكـتر من حبايبك ومعشوقاتك